Art and Crafts
ಕಲೆ ಮತ್ತು ಕರಕುಶಲ
Poetry
ಕವನ
Literature
ಸಾಹಿತ್ಯ
Travel Journal
ಪ್ರವಾಸ ಪತ್ರಿಕೆ
Theatre and Drama
ರಂಗಭೂಮಿ ಮತ್ತು ನಾಟಕ
Home » Archive by Author

Articles by gurumurthy mehendale

ವಿಶ್ವಚೇತನ ಮಾತನಾಡಿದೆ

April 5, 2017 – 9:32 am | By gurumurthy mehendale

ನಾನಿದ್ದ ದೇಹದಾ
ಹುಟ್ಟು ಹಬ್ಬವು ಇಂದು
ನಡೆದಿಹುದು ಅವನಿಯಲಿ
ಬಹು ಹಿಂದಿನಿಂದು
ನವಮಿಯಲಿ ನೆನೆಯುವರು
ಶ್ರೀ ರಾಮನೆಂದು
ಅಷ್ಟಮಿಗೆ ನೆನೆಯುವರು
ಶ್ರೀ ಕೃಷ್ಣನೆಂದು
ಧರಿಸಿದ್ದ ಪಾತ್ರಗಳ
ಉತ್ಸವದ ಮೂರುತಿಗೆ
ವಿಧ ವಿಧದಲಂಕಾರ
ಮಾಡಿ ಸಂಭ್ರಮಿಸಿಹರು
ಎಲ್ಲ ಪಾತ್ರಗಳಲ್ಲು
ಸಮನಾಗೆ ಇದ್ದೆ
ದ್ವಂದ್ವದಾ ಕಂಗಳಲಿ
ಕಂಡು ಕನಲಿದರು
ಅಂದು ಇಂದೆಂದೆಂದು
ನಾ ಎಲ್ಲರೊಳಗೊಂದೇ
ಸರ್ವರಾಂತರ್ಯದಲು
ಸಂಚರಿಸುತಿರುವೆ
ರಾಮನನು ನೆನೆದರೂ
ರಾವಣನ ನೆರಳು
ಕೃಷ್ಣನೆಂದುಸುರಿದರೆ
ಕಂಸನಾ ಕರಿನೆರಳು
ಇಂತುನಡೆದಿಹುದೆನ್ನ
ಮಾಯೆ ಮರೆದಾಟವು
ಅರಿತವನ ಮನದಿಹುದು
ಸರ್ವ ಸಮ ಭಾವವು

ಬರಿದಾಗದ ಬರಹ

June 15, 2016 – 12:26 am | By gurumurthy mehendale

ಏನ ಬರೆಯಲಿ ಎಲ್ಲ ಬರೆದಾಗಿದೆ,
ಮುಂದಿನ ಕೋಟಿ ಯುಗಕ್ಕಾಗುವಷ್ಟು,
ಬರೆದದ್ದು ಓದದೇ……………….. ಹೋಗಿಬಿಟ್ಟರೆ,
ಜೀವಂತ ಹಡೆದರೂ ಹೋದ ಮಗುವಿನಂತೆ,
ಅರ್ಥಗಳೆಲ್ಲಾ ಅನರ್ಥ, ಅನರ್ಥಗಳೇ ಸಹಿಷ್ಣುವಾಗಿ,
ಬರೆದವನಿಗೂ ವಾಚಕನಿಗೂ ಹಿಂಸೆ,
ಹಾಗೆಂದು ಸುಮ್ಮನಿರಲು ಭಾಷೆ ಬಿಡದಲ್ಲಾ,
ವಿಚಾರಗಳ ಸಂತೆಯಲಿ,
ಬಡಬಡಿಕೆಯ ವ್ಯಾಪಾರ,
ಮೌನವಂತೂ ಬಹು ತುಟ್ಟಿ,
ಅದಕೆಂದೇ ಬರೆದು’ಬಿಡು’ವೆ, ನೀ ಓದಿ ‘ಬಿಡು,’
ಇಬ್ಬರೂ ಬಿಟ್ಟು ನೋಡೋಣ
ಭಾಷೆ ಹೇಗೆ ಓಡುತ್ತದೆಂದು,
ಕೊನೆಗೆ ನೀನೂ ಬರೆದು ’ಬಿಡು’
ನಾನೂ …

ರವಿಯ ಉತ್ತರ

April 5, 2016 – 2:09 am | By gurumurthy mehendale

ರವಿ:
ದುಃಖ ಬೇಗುದಿ ದುಮ್ಮಾನ ಕಳೆಯಲು
ಸುತ್ತುವಿರಿ ನವ
ಗ್ರಹಗಳನು ನೀವು,
ನಿಮ್ಮೆಲ್ಲ ದೂರುಗಳ
ಹೊತ್ತು ತಿರುಗುವ ಗ್ರಹರು
ತಿರುಗುತ್ತ ಎಲ್ಲವನು
ದಾಟಿಸುವರೆನಗೆ

ಧಗೆ ಬೇಸಿಗೆ

April 4, 2016 – 4:05 am | By gurumurthy mehendale

ಕಿರು, ಹುಸಿ, ಮಳ್ಳುನಗು ನಗುತಿದ್ದ ನೇಸರ
ಧಗೆ ಹೇಗಿದೆಯೆಂದೊಮ್ಮೆ ಕಣ್ಕಿಸಿದ
ಇದೇನು ಮಹಾ ಧಗೆಯೇ?
ಇದಕಿಲ್ಲ ಬೇಗುದಿಗಳ ಕಾವು
ದುಃಖದುರಿ ದಾವಾನಲ
ಹೊರಧಗೆ ತಣಿಸಲು
ಸಾಕಷ್ಟಿವೆ ಸಾಧನ,
ರಜನಿಯ ಕೃಪೆಯೂ ಇದೆ.
ತಿಳಿದಿದ್ದರೆ ಹೇಳಯ್ಯಾ
ಓ ಸವಿತೃವೇ,
ದುಃಖ ಬೇಗುದಿಗಳ ತಣಿಸೆ
ಸಾಧನವದೇನುಂಟು
ಸುತ್ತುವ ನವಗ್ರಹಗಳ ಬಳಿ
ವಿಚಾರಿಸಿ ತಿಳಿಸು

ಜೀವಜಗ ನೀನೇ

March 9, 2016 – 1:39 am | By gurumurthy mehendale

ಎನಿತೆನಿತು ಯತ್ನಿಸಿದೆ
ನಿನ್ನ ವಿವರಿಸಲು
ಪದಗಳೇ ಸಿಗಲಿಲ್ಲ
ಯಾವ ಭಾಷೆಯಲೂ
ದೇವನವ ಸಿಗುವ
ಪ್ರತಿ ಪದದ ಜೋಡಣೆಗು
ಎಟುಕಲಾರದು ನಿನ್ನ
ಅಮಿತ ಗುಣ ಬೆಡಗು

ಬಣ್ಣಬಣ್ಣದಾ ಗರಿಗಳ ತೆರೆದು…….

March 8, 2016 – 2:15 am | By gurumurthy mehendale

ಮನದನ್ನೆಯ ರಂಗವಲ್ಲಿ
ಕುಣಿಯಿತೆನ್ನ ಮನದಲ್ಲಿ

ಮರಣ

March 3, 2016 – 5:44 am | By gurumurthy mehendale

‘ಜೀವ’ನ ನಾಟಕ ನೆತ್ತರ ಚಿತ್ರಣ
ನರಕದ ದೃಶ್ಯಕೆ ಕೊನೆಯುಂಟೇ!
ವಸ್ತ್ರವ ಕಳಚುವ ಪರಿಯದು
‘ಜೀವ’ನ ಪ್ರಶ್ನಿಸಲೆನಗೆ ಎಡೆಯುಂಟೆ
ಜನ್ಮವ ತಳೆದಿಹ ‘ಜೀವ’ನ ಗತ್ಯವ
ಕಾಣುವ ಕಣ್ಣು ನಮಗುಂಟೆ?
ತೋರುವ ಸತ್ಯಕೆ ಮರುಗುವ ಮನವು
ಅಂತಿಮ ಸತ್ಯವರಿಯಲುಂಟೆ!
ಕೊಲ್ಲುವ ಕಾಯುವ ‘ಜೀವ’ನ ಕರವದು
ಸತ್ತೂ ಬದುಕುವ ಪರಿಯೇನೆ!
ತನ್ನದೆ ವಸ್ತ್ರ ತಾನ್ ಕಳಚಲುಬಳಸುವ
ನಿನ್ನೊಂದಸ್ತ್ರವ ಸರಿಯೇನೇ!
‘ಜೀವ’ನಾಟವನು ಅರಿಯಲು ಲಭಿಸಿಹ
ಅವನಿಯ ನೋಟವು ಹೀಗೇನೆ!
ಹೇಳುವನವನಿಗೆ ತಿಳಿಯದುದೇನಿದೆ?
ಕಾಲನ ಚಿತ್ರಣ ನಿಜವೇನೆ!

ರೂಪಾಂತರ

March 3, 2016 – 5:39 am | By gurumurthy mehendale

ನೋಡಬಂದೆ ಕೂಟವನ್ನು
ಹುಟ್ಟುಸಾವಿನಾಟವನ್ನು
ಆಟಗಾರ ಜಾಣನೀನು
ತಿಳಿಯೆ ನಿನ್ನ ನಡೆಯನು
ನಿನ್ನಾಟದ ಕಾಯಿನಾನು
ನಡೆವೆ ನಿನ್ನ ಇಚ್ಛೆಯಂತೆ
ಪ್ರಶ್ನಿಸೆನು ಯಾವುದನೂ
ದಾಳ ನಿನ್ನ ಮಾಯೆಯಂತೆ
ನಿನ್ನಿಚ್ಛೆಯ ಆಟವೇನು
ಎಲ್ಲ ಒಂದೇ ಹೂಟವೇನು
ಎಲ್ಲರಲ್ಲು ವಾಸಮಾಡಿ
ಗೆಲುವೆ ಎಲ್ಲ ಹೇಗೆ ನೀನು
ಎಲ್ಲ ನೀನೆ ಎಂದಮೇಲೆ
ನಾನೇ ಇಲ್ಲಿ ಇಲ್ಲವೇನೊ
ನಾನೇ ಇಲ್ಲವೆಂದಮೇಲೆ
ಉಳಿಯಿತೇನು ಅಳಿಯಿತೇನು

ಅನನಾಸು

March 1, 2016 – 1:32 am | By gurumurthy mehendale

ಸುರೇಖಾ ಭೀಮಗುಳಿ
3 ನವೆಂಬರ್ 2015
” ಅನಾನಾಸು ಸಂಭ್ರಮ !”
***********************
ಪೆರಿಯ ಶಾಂತಿಯ ಅನಾನಾಸದು
ನಮ್ಮ ಬಿಡದೇ ಸೆಳೆವುದು ||
ಎಷ್ಟು ತಿಂದರು ತೃಪ್ತಿಯಾಗದು
’ಹೀಗೆ ಯಾತಕೆ ?’ ತಿಳಿಯದು || ೧ ||
ಮಂಗಳೂರಿನ ಮುಖ್ಯ ರಸ್ತೆಯ
ಬಲಕೆ ತಿರುಗಿದ ಮಾರ್ಗವು ||
ಹಸಿರು ಕಾನನ ನೆರಳ ಪರಿಸರ
ಸುತ್ತ ಮಂಗನ ಆಟವು ! || ೨ ||
ಹಣ್ಣ ಸಿಪ್ಪೆಗೆ …

ವರ್ಣವಲ್ಲಿ

February 26, 2016 – 1:27 am | By gurumurthy mehendale