Art and Crafts
ಕಲೆ ಮತ್ತು ಕರಕುಶಲ
Poetry
ಕವನ
Literature
ಸಾಹಿತ್ಯ
Travel Journal
ಪ್ರವಾಸ ಪತ್ರಿಕೆ
Theatre and Drama
ರಂಗಭೂಮಿ ಮತ್ತು ನಾಟಕ
Home » Poetry (ಕವನ) 0

ಹುತ್ತ

Submitted by Ashok Joshi on August 6, 2015 – 9:08 am One Comment

ಹುತ್ತ

ಭೇಟಿಯಾದವು ಹಲ ಹಳೆಯ ನೆನಪುಗಳು ಸಂಜೆ
ಮರೆತ ಕೆಲ ಕನಸುಗಳ ಜೊತೆ ಮಾತಾಯಿತಂದೆ
ನೆನಪುಗಳ ಕೆದಕಿದೆವು ಕಣ್ಣಾದವು ಮಂಜು
ಆರಂಭ ಅಂತ್ಯದಲಿ ನಿನ್ನ ನೆನಪೇ ಬಂದು

ನೆನಪೊಂದು ಕನಸುಗಳ ಕೌದಿಯನು ನೇಯಲು
ಕನಸುಗಳ ಹೆಣೆಯಲು ನೆನಪುಗಳೇ ದಾರ
ನನಸೊಂದು ನಿದ್ದೆಯಲಿ ಕನಸೊಂದು ಕಂಡಿರಲು
ಸುರಿದಿಹುದು ನೆನಪುಗಳ ವರ್ಷಧಾರ

ನೆನಪೊಂದು ಕೇಳಿತು, ಏನೊ ಬದಲಾದಹಾಗಿದೆ
ಮೊದಲಿನ ಪರಿಸರದಲಿ ಕಾಣುತಿದೆ ಕೊರತೆ
ನೆನಪೇ, ಇಲ್ಲೀಗ ಕನಸು ಸುಳಿಯುವುದೇ ಇಲ್ಲ
ಕನಸಿಲ್ಲದ ಎದೆ ಈಗ ಎಣ್ಣೆ ಕಾಣದ ಹಣತೆ

ಕೂಸುಗಳ ಕನಸುಗಳ ಪಾಟಿ ಮನಸನು ಸುಟ್ಟು
ಕಲಿಸಿಹೆವು ಅವಕೆ ಆತ್ಮಗಳಿಲ್ಲದ ಒಣ ಬದುಕು
ಗಡಿಬಿಡಿಯ ಓಟದಲಿ, ಅಂಕಗಳ ಸುಳಿಯಲ್ಲಿ
ಅರಳಲು ಬಿಡದೇ ಮಾಡಿಹೆವು ಮಕ್ಕಳನು ಸರಕು

ನೆನಪೊಂದು ಹುಡುಕುತಿದೆ, ಎಲ್ಲಿಹಳಮ್ಮ ನಮ್ಮಿ’
ನೋಡಲ್ಲಿ ‘ಕಿಚನ್’ನಲ್ಲಿಹಳು ಈಗವಳು ‘ಮಮ್ಮಿ’
ಕಸ್ತೂರಿಗನ್ನಡದ ಕೊಂಡಿ ಕಳಚಿ ಬಿದ್ದಿವೆಯಿಲ್ಲಿ
ಅಪರಿಚಿತರೀಗ ನಾವು, ನಮ್ಮದೇ ಮನೆಯಲ್ಲಿ!

 

                           – ಲಕ್ಷ್ಮೀಕಾಂತ ಇಟ್ನಾಳ

One Comment »

  • shrinivas says:

    2
    ಅಪರಿಚಿತರೀಗ ನಾವು, ನಮ್ಮದೇ ಮನೆಯಲ್ಲಿ!
    ಈ ಸ್ವಗತಕ್ಕೆ ನಾವೇ ಉತ್ತರ ಕಂಡುಕೊಳ್ಳಬೇಕಿದೆ . ಮತ್ತೊಂದು ಸುಂದರ ಕವನ ಇಟ್ನಾರವರೇ.

Leave a comment