Art and Crafts
ಕಲೆ ಮತ್ತು ಕರಕುಶಲ
Poetry
ಕವನ
Literature
ಸಾಹಿತ್ಯ
Travel Journal
ಪ್ರವಾಸ ಪತ್ರಿಕೆ
Theatre and Drama
ರಂಗಭೂಮಿ ಮತ್ತು ನಾಟಕ
Home » Default Category (ಪೂರ್ವ ನಿಯೋಜಿತ ವರ್ಗ) 0

ರವಿಯ ಉತ್ತರ

Submitted by ಗುರುಮೂರ್ತಿ mehendale on April 5, 2016 – 2:09 am

ರವಿ:

ದುಃಖ ಬೇಗುದಿ ದುಮ್ಮಾನ ಕಳೆಯಲು
ಸುತ್ತುವಿರಿ ನವ
ಗ್ರಹಗಳನು ನೀವು,

ನಿಮ್ಮೆಲ್ಲ ದೂರುಗಳ
ಹೊತ್ತು ತಿರುಗುವ ಗ್ರಹರು
ತಿರುಗುತ್ತ ಎಲ್ಲವನು
ದಾಟಿಸುವರೆನಗೆ

ನನ್ನುರಿವಿಗದೇ ತಿರುಳು
ಒಡಲೆಲ್ಲ ಸುಡುಸುಟ್ಟು
ಬರಿದಾಗುತಿದೆ ನನ್ನೊಡಲು,

ನಿಮ್ಮೆಲ್ಲ ಬೇಗುದಿಗೆ
ನಿಮ್ಮೊಳಗೆ ಅಸ್ತ್ರವಿದೆ!

ಸರಿಸಿರೆಲ್ಲ ಮನದಿಂ
ಬೇಡದ ವಿಚಾರಗಳ
ಬಿಡಿ ಅದರಷ್ಟಕೆ
ಆಗುವುದಾಗಲು
ಸುಮ್ಮನಿದ್ದುಬಿಡಿ,
ಹೋಗದಿರಿ
ಆಗದುದ ಮಾಡಲು.

ಸುಮ್ಮನಾಗಲು ಮನವು
ಗಮ್ಮೆಂದು ಹರಡುವುದು
ಸುಖ ಶಾಂತಿ ನೆಮ್ಮದಿಯ
ತಂಪು ಘಮಲು

Leave a comment