Art and Crafts
ಕಲೆ ಮತ್ತು ಕರಕುಶಲ
Poetry
ಕವನ
Literature
ಸಾಹಿತ್ಯ
Travel Journal
ಪ್ರವಾಸ ಪತ್ರಿಕೆ
Theatre and Drama
ರಂಗಭೂಮಿ ಮತ್ತು ನಾಟಕ
Home » Default Category (ಪೂರ್ವ ನಿಯೋಜಿತ ವರ್ಗ) 0

ಕಾಲು ಮುರಿದ ಪುಟ್ಟ ಹಕ್ಕಿ

Submitted by ಧ್ವನಿ  on October 8, 2016 – 6:19 am

ಕಾಲು ಮುರಿದ ಪುಟ್ಟ ಹಕ್ಕಿ
ಚಿತ್ರಕಥಾಪಟ

1

ಒಂದು ಪುಟ್ಟ ಹಕ್ಕಿಯ ಕಾಲು ಮುರಿದಿತ್ತು. ಅದಕ್ಕೆ ವಾಸಿಸಲು ಎಲ್ಲೂ ಜಾಗ ಇರಲಿಲ್ಲ. ಆಶ್ರಯಕ್ಕಾಗಿ ಆ ಪುಟ್ಟ ಬಾಳೆಗಿಡದ ಹತ್ತಿರ ಹೋಯಿತು.
“ಬಾಳೆಗಿಡದಣ್ಣ, ಬಾಳೆಗಿಡದಣ್ಣ, ನನ್ನ ಕಾಲು ಮುರಿದಿದೆ. ಈ ಮಳೆಗಾಲದಲ್ಲಿ ಎಲ್ಲೂ ಹೋಗಲು ಆಗುತ್ತಿಲ್ಲ. ನನಗೆ ಇರಲು ಸ್ವಲ್ಪ ಜಾಗ ಕೊಡುತ್ತೀಯಾ?” ಅಂತ ಕೇಳಿತು. ಆಗ ಬಾಳೆಗಿಡ, “ಕಾಲು ಮುರಿದ ಹಕ್ಕಿಗೆ ನಾನು ಜಾಗ ಕೊಡೋದಿಲ್ಲ. ನೀನು ಮುಂದೆ ಹೋಗಿ ಪಪ್ಪಾಯಗಿಡವನ್ನು ಕೇಳು” ಎಂದಿತು.

2

ಪುಟ್ಟ ಹಕ್ಕಿ ಪಪ್ಪಾಯಗಿಡದ ಹತ್ತಿರ ಹೋಯಿತು.
“ಪಪ್ಪಾಯಗಿಡದಣ್ಣ ಪಪ್ಪಾಯಗಿಡದಣ್ಣ, ನನ್ನ ಕಾಲು ಮುರಿದಿದೆ. ಈ ಮಳೆಗಾಲದಲ್ಲಿ ಎಲ್ಲೂ ಹೋಗಲು ಆಗುತ್ತಿಲ್ಲ. ನನಗೆ ಇರಲು ಸ್ವಲ್ಪ ಜಾಗ ಕೊಡುತ್ತೀಯಾ?” ಅಂತ ಕೇಳಿತು. ಆಗ ಪಪ್ಪಾಯಗಿಡ, “ಕಾಲು ಮುರಿದ ಹಕ್ಕಿಗೆ ನಾನು ಜಾಗ ಕೊಡೋದಿಲ್ಲ ನೀನು ಮುಂದೆ ಹೋಗಿ ತೆಂಗಿನಮರದ ಹತ್ತಿರ ಕೇಳು” ಎಂದಿತು.

3

ಪುಟ್ಟ ಹಕ್ಕಿ ತೆಂಗಿನಮರದ ಹತ್ತಿರ ಹೋಯಿತು.
“ತೆಂಗಿನಮರದಕ್ಕ, ತೆಂಗಿನಮರದಕ್ಕ, ನನ್ನ ಕಾಲು ಮುರಿದಿದೆ. ಈ ಮಳೆಗಾಲದಲ್ಲಿ ಎಲ್ಲೂ ಹೋಗಲು ಆಗುತ್ತಿಲ್ಲ. ನನಗೆ ಇರಲು ಸ್ವಲ್ಪ ಜಾಗ ಕೊಡುತ್ತೀಯಾ?” ಅಂತ ಕೇಳಿತು. ಆಗ ತೆಂಗಿನಮರ, “ಕಾಲು ಮುರಿದ ಹಕ್ಕಿಗೆ ನಾನು ಜಾಗ ಕೊಡೋದಿಲ್ಲ. ನೀನು ಮುಂದೆ ಹೋಗಿ ಆಲದ ಮರದ ಹತ್ತಿರ ಕೇಳು” ಎಂದಿತು.

4

ಪುಟ್ಟ ಹಕ್ಕಿ ಆಲದಮರದ ಹತ್ತಿರ ಹೋಯಿತು.
“ಆಲದಮರದಮ್ಮ, ಆಲದಮರದಮ್ಮ, ನನ್ನ ಕಾಲು ಮುರಿದಿದೆ. ಈ ಮಳೆಗಾಲದಲ್ಲಿ ಎಲ್ಲೂ ಹೋಗಲು ಆಗುತ್ತಿಲ್ಲ. ನನಗೆ ಇರಲು ಸ್ವಲ್ಪ ಜಾಗ ಕೊಡುತ್ತೀಯಾ?” ಅಂತ ಕೇಳಿತು. ಆಗ ಆಲದಮರ, “ನಿನಗಲ್ಲದೆ ಇನ್ಯಾರಿಗೆ ಕೊಡಲಿ, ಬಾ ಪುಟ್ಟ ಹಕ್ಕಿ ನನ್ನ ಪೊಟರೆಯಲ್ಲಿಯೇ ಇರು” ಎಂದಿತು.

5

ಪುಟ್ಟ ಹಕ್ಕಿಗೆ ತುಂಬಾ ಖುಷಿ ಆಯಿತು. ಆಲದಮರದ ಪೊಟರೆಯಲ್ಲಿಯೇ ವಾಸ ಮಾಡಿತು.

6

ಸ್ವಲ್ಪ ಹೊತ್ತಿನಲ್ಲಿಯೇ ಜೋರಾಗಿ ಗಾಳಿ-ಮಳೆ ಬಂದಿತು. ಆ ಗಾಳಿ-ಮಳೆಗೆ ಬಾಳೆಗಿಡ, ಪಪ್ಪಾಯಗಿಡ, ತೆಂಗಿನಮರ ಉರಳಿ ಹೋದವು. ಆಗ ಪುಟ್ಟ ಹಕ್ಕಿ ತನ್ನ ಮನಸಲ್ಲೆ ವಿಚಾರ ಮಾಡಿತು. “ನನಗೆ ಅವರು ಆಶ್ರಯ ಕೊಟ್ಟಿದ್ದರೆ ಗಾಳಿ-ಮಳೆಗೆ ಸಿಕ್ಕಿ ನಾನು ಸಾಯ್ತಿದ್ದೆ. ನನ್ನ ಪ್ರಾಣ ಉಳಿಸಿದ ಬಾಳೆಗಿಡದಣ್ಣ, ಪಪ್ಪಾಯಣ್ಣ, ತೆಂಗಿನಮರಕ್ಕೆ ನಾನು ಎಷ್ಟು ಕೃತಜ್ಞತೆಯನ್ನು ಹೇಳಿದರೂ ಕಡಿಮೆನೇ” ಎಂದು ಮನಸ್ಸಿನಲ್ಲಿ ಆ ಮರಗಳಿಗೂ ಕೃತಜ್ಞತೆಯನ್ನು ತಿಳಿಸಿತು.

7

8

Leave a comment